Anno Einedryssgi isch en Abstimmig gsi, wär bi der Stadt wöll blybe und wärs mit den Insurgänte haig. In eusem Huus z Ammel hai si alli Mannevölcher in der vordere Stube versammlet. E jede het eleigg müesse ins Näbestübli go und dört sy Stimmcharten in es wyssis oder in es schwarzis Chischtli gheie. Wils der Gmeinrot aber wunder gno het, wie die Manne stimme, het men am Tag vorhär in d Chammertür es Loch bohret, und d Mueter het die ganzi Zyt müese ufem Schemeli ob stoh i der Chuchi uss und zue däm Loch yne luege, wie si stimme.

Anwil

Quelle: P. Suter/E. Strübin, Baselbieter Sagen. Quellen und Forschungen zur Geschichte und Landeskunde des Kantons Basel, Band 14. Liestal 1976

Eingelesen von der Mutabor Märchenstiftung auf www.maerchenstiftung.ch.