Vom Rütscheleschnieder

Dr Rütscheleschnieder, es arrns Taunermanndli, het Winterszits imene Wäldli gwedelet. Är isch nid grad en abergläubische gsi, u doch het er de bhertet, do chömm gäng es Fraueli düre. Äs versteck ihm ’s Wärchgschirr u ghei ihm d‘Wällen um. U nüt wäder gäng het er vo däm Fraueli brichtet.

Usgähnds Winter het dr Bur nid wit dervo z’Acher gfahre. Du säg er, jetz well er em Schnieder au einisch go gen e Lugi agä; was bruch er d’Lüt däwäg z’förchte z’mache. Drufabe sig er zue-n-ihm u säg, das sig jetz emel vori au unerchannt gsi; eismols sig es Windspiel cho u heig d’Mutte stubeshöch ufgno. Jo, äbe, mach dr Schnieder druf, äs sig du grad äim Wäldli no z’dürab cho. Wen er schie do nid a äim Buechli hätt chönne ha, äs hätt ne si armi tüüri dür d’Luft us gno.

Dr Bur heig nüt druf gseit u sig furt. Wo-n-er zu sine Lüte sig cho, heig er gseit, gäg em Schnieder sig er umen e Höseler; do müess är’s verspielts gä u heig d’Sach verbrichtet.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.