Dem Ungfel wehre

E Bur isch gäng ungfelig gsi; alls isch ihm tromsigs gange; bilängerschi meh isch er hingertsi cho.

Du isch er zu re Wohrsägeri. Die het ihm gseit, är sell e Hung mit eme schwarze Rache un e Hahne mit Doppelspore zuehetue; de besseri’s. Aber abtreit het es nüschti nüt; är isch ganz über nüt cho un am Änd verlumpet.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.