Äis wä Trini bin enem Haar in Argwoo chun, äs fiigi en Här. Da wän im uberscheen; äs hed's mid den Armen geng gööd gmäind.

Das ischd eso chun. Äs hed z' dicke gläid ghäben und ischd dra gsiin, mid dr Brächen de Schluck z'zertöön. Döö chunnd dr Broodträger u chrawwed's an, fir ne Fiiffränkler z'etleennen.

Trini hed ds Chessi ab em Fiir gräited ung gsäid: „Wart no". Derna hed's i ds Chessi greckd und e Fiiffränkler drüüs gnun und hed nen dem Broodträger ggän.

Där hed de Fiiffränkler gschowwed ung gschowwed und hed Trinin aggugged und ischd mid dem Fiiffränkler abgstossen. Är hed gloibd, Trini chenni häxen.

Aber äs ischd nid eso gsiin. D'Milch hed vum Chasleb nid welle schäiden, und döö hed's e Fiiffränkler i d'Milch taan und dän döö dem Broodträger ggän.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.