Es het e mal es Manli va Grächu e scharpfe Verzand uber d'Efpil bercho und duo deicht's, ich ga über an Emd ins Dörfji; da heinich niwlich en Baum mit prächtige rote Epfju g'se. Diz Manli d'Nacht z'weg bis dana uber ins Dörfji und fassut verborgu va dische Epfju, was het mögu fortbringu und giträgu. Diz Ding ist guot; z'Manli mit schiner Tregi e mab bis uf di Kalputraner-Briggu und va da bässligu derun Grächer-Berg en bruf, bis es mit de g'stohlne Epfju bis zum Chriz chon ist, wa schich t'Wega teilunt. Da het's en brin g'stellt und, wiä andri Lit d'un Bruch hent, z'Chriz g'macht und gliwwet. Und duo wiä sissmu gangu? Wil's z'Chriz g'macht hei, siss uverschamt i Reuwu g'fallu, dass di Epfju gnu hei und deiche, i träguschi zerug, sust tätismer ja mi Lebtag schwer machu. Es schlifu mit de Juogsu (Achsel) unter die Pretschole, um d'Ledi e mum uf dun Puggul z'näh uud scha e muber z'trägu. Duo sischmu so schweri cho, dass ä ra kei Bodu hei mögu g'näh. Es säge z'ihm selber, das ist nit natürli's, da hetmer z Bescha g'holfu uberhar trägu. Duo hei eimil der arum Donner ang'fangu us z'paku und prubiert, wiä vil dass er zum Mal möge fortbringu und heigi, fer schi alli im Dörfji z'erstattu, grad dri Gäng gibrucht und alli dri Mal gnoug z'trägu g'häbet.
Darum segent di Tallit no jetzu: «Der Tiful hilft.»
(Staldner-Dialekt, erzählt von Dekan Anthanmatten)
Quelle: M. Tscheinen, P. J. Ruppen, Walliser Sagen, gesammelt und herausgegeben von Sagenfreunden, Sitten 1872.
Eingelesen von der Mutabor Märchenstiftung auf www.maerchenstiftung.ch